11 июля 2009 г.
КĂÇАЛХИ пĕрремĕш çур çулта районти мĕн пур категорири хуçалăхсем 1302 тонна аш, 9823 тонна сĕт туса илнĕ. Пĕлтĕрхи çак вăхăтпа танлаштарсан, аш туса илесси 102, сĕт туса илесси 103 процент ÿснĕ.
Ял хуçалăх предприятийĕсене уйрăмăн шутласан, вĕсем 1356 тонна сĕт тата 182 тонна аш туса илнĕ. Ÿсĕм – 1 процент.
Район администрацийĕ выльăх-чĕрлĕх йышне ÿстерме задача лартнă. Килти хуçалăхсенче те выльăхсен йышĕ пысăкланмалла. Çулталăк вĕçленнĕ тĕле районта ĕне выльăхсен йышне 369 пуç, сыснасен йышне 2844 пуç, сурăхсен йышне 1153 пуç ÿстерме пур майсем те çителĕклĕ. Ял хуçалăх предприятийĕсемпе фермерсем 19212 гектар (пĕлтĕрхинчен 294,8 гектар нумайрах) ял хуçалăх культурисем акнă, çав шутра тĕш тырăсем 8591,1 гектар (иртнĕ çулхинчен 308,1 гектар ытларах) йышăнаççĕ. Пĕр çул тата нумай çул ÿсекен курăксем те çителĕклĕ.
«АПК аталанăвĕ» наци проекчĕ ĕçлеме пуçланăранпа районти 2101 çемье пурĕ 310,23 миллион тенкĕлĕх çăмăллăхлă кредит илнĕ.