22 июля 2009 г.
ЧĂННИПЕХ те ĕçчен çав Чукал халăхĕ. Çĕнĕ Чукалпа Вырăс Чукалĕнче пурăнакансем халĕ вăрмантан тухма пĕлмеççĕ. Çырла татаççĕ, милĕк хатĕрлеççĕ, вăрман пуянлăхне сутса укçа тăваççĕ.
Акă, Галина Николаевна Ильичева хăйĕн Вероника хĕрĕпе тата Коля ывăлĕпе пĕрле кунне пин тенкĕ ытлалăх çырла сутаççĕ. Çак укçапа аслă шкулта вĕренекен Вероника валли ноутбук туяннă.
В.В.Губанова та хăйĕн Михаилпа Александр ывăлĕсемпе пĕрле куллен çырлана çÿрет. Татнă çырлана маршрутлă автобуспа парса яраççĕ, яла пырсах туянакансем те пур.