29 июля 2009 г.
ПУЯНКАССИ ял поселенийĕ çумĕнчи ветерансен совечĕ – районта чи лайăх ĕçлекенсенчен пĕри. Ăна Л.П.Антонова ертсе пырать.
Çак кунсенче ветерансен совечĕ ялти килти хушма хуçалăха аталантарас тĕлĕшпе чи лайăх ĕçлекенсен тĕл пулăвне йĕркелерĕ. Л.П.Антонова чечек ÿстерес, З.Ф.Иванова помидор çитĕнтерес тĕлĕшпе пухнă паха опытпа паллаштарчĕç. Зоя Федоровна помидорăн 10 ытла сортне çитĕнтерет иккен, кашни çулах пысăк тухăç илет.
Тĕл пулура килти хуçалăхра выльăх-чĕрлĕх, пыл хурчĕсем, хур-кăвакал ытларах усрас ыйтупа та калаçу пычĕ.
«Кил карти, пахча пуян пулсан, пире нимĕнле кризис та хăратаймĕ», – çакăн пек пĕтĕмлетÿ турĕç тĕл пулăва хутшăннисем.