05 августа 2009 г.
«ИСТОК» ООО уй-хирĕсенче ир пуçласа тĕттĕмччен хĕрÿ ĕç шавĕ тăрать. Л.Алюков, И.Усьманов, В.Акимов, В.Искандеров комбайнерсем тÿсме çук шăрăх çанталăкра та тухăçлă ĕçлерĕç, 150 гектар çинчи кĕр тыррисене кĕске вăхăтра пуçтарса кĕртрĕç. Хуçалăх ертÿçи Ю. Старшов каланă тăрăх, хальлĕхе вăтам тухăç гектар пуçне 26-шар центнерпа танлашать.
Комбайнсем патĕнчен йĕтем çине тырă турттарса тăнă çĕрте П.Шамеев, Н.Павлов, В.Матвеев водительсем хастар.
Йĕтем çине килнĕ тырра тÿрех тасатса тирпейлеççĕ, кĕлете кĕртеççĕ.
Хуçалăхра кĕр тыррисене ытларах хисеплеççĕ, кăçал пĕлтĕрхинчен икĕ хут пысăкрах лаптăк çине акма палăртнă. И.Мирзоев Т-150 тракторпа, Д.Маштаков МТЗ-1221 тракторпа çĕр хатĕрлеççĕ.
Çурхи пĕрчĕллĕ культурăсем 1000 гектар йышăнаççĕ. Хальхи вăхăтра «уй-хир карапĕсем» урпа пуçтарса кĕртеççĕ.