05 августа 2009 г.
РАЙОНТИ ЗАГС уйрăмĕнче çак кунсенче кăçал çуралнă 100-мĕш ачана регистрациленĕ. Вăл – Кахăрлă Шăхаль ялĕнчи Арсений Петров. Телейлĕ ашшĕне ЗАГС пайĕн начальникĕ Е.Н. Федорова ача çурални çинчен çирĕплетекен свидетельство тата район пуçлăхĕ В.П.Фадеев ятĕнчен парне панă.
Арсений – Петровсен çемйинче иккĕмĕш ывăл. «Пирĕн виççĕмĕш ача хĕр ача çураласса кĕтетпĕр», – тенĕ йăл! кулса Алексей Николаевич.
Сăмах май, кăçал районта пĕлтĕрхи çак вăхăтрипе танлаштарсан 12 ача нумайрах çуралнă.