12 августа 2009 г.
– 350 гектар çинчи кĕрхи тырăсене тирпейлĕ пуçтарса кĕртрĕмĕр, – пĕлтерчĕ «Колос» Агрофирма» ЗАО тĕп агрономĕ Николай Воробьев. – Тухăç аптăрамасть – гектартан вăтам шутпа 28-шар центнер илтĕмĕр. Çурхи тырăсем те шанăçа тÿрре кăлараççĕ пуль тесе шутлатпăр. Урпа, сăмахран, гектар пуçне 35-шер центнер тухать.
Урпа хирĕнче эпир кăнтăрлахи апат тĕлĕнче пултăмăр. Комбайнерсем патне «кустăрма çинчи столовăй» çитсе те тăнă. Галина Осиповапа Галина Андреева поварсем пĕçернĕ яшкана çĕр ĕçченĕсем мухта-мухта çиеççĕ. Кунне икĕ хутчен апатлантараççĕ вĕсем механизаторсене. Хăйсене шанса панă ĕçе чунтан тăрăшса пурнăçлаççĕ.