19 августа 2009 г.
ИРТНĔ эрнере район пуçлăхĕ В.П.Фадеев Пăчăрлă Пашьелĕнчи К.Маркс урамĕнче çул сарнă çĕрте пулнă, кунти ĕçсемпе паллашнă. Паянхи кун тĕлне Хултăрча çырми урлă кĕпер тăвассине вĕçленĕ, çул тума çĕр хăпартаççĕ, хăйăрпа чул турттараççĕ. Объектра кирлĕ чухлĕ техника ĕçлет.
Çула çак уйăх вĕçĕнче хута ямалла пулин те, туса çитермен ĕçсем те чылай-ха. Район пуçлăхĕ «Чăвашавтодор» ОАОн Шăмăршăри ДРСУ ертÿçисене ĕçе хăвăртлатас тĕлĕшпе васкавлă мерăсем йышăнма хушнă.