22 августа 2009 г.
ÇАК кунсенче Совет Союзĕн Геройĕ, пирĕн ентеш, Ленин орденĕн, Александр Невский орденĕн тата Хĕрлĕ Çăлтăр орденĕн кавалерĕ Виталий Иванович Уруков (1919-1945) çуралнăранпа 90 çул çитрĕ.
Çак ятпа районта тĕрлĕрен мероприятисем пулса иртеççĕ. Пуянкассинчи ял библиотекинче, акă, патриотизм сехетне ирттернĕ. Библиотекăра «Виталий Уруков – пирĕн ентеш» ятлă кĕнеке выставки, «Тăван çĕршывшăн кăтартнă паттăрлăх» кĕнекесен тишкерĕвĕ, «Чаплă та ĕмĕрлĕх паттăрлăх» электронлă альбом йĕркеленĕ.