22 августа 2009 г.
«КАНАШ» фермер хуçалăхĕ вырма ĕçĕсене кĕске вăхăтра тата тирпейлĕ вĕçлерĕ. 60 гектар кĕрхи тулă, 90 гектар урпа, 6 гектар çурхи тулă çулне кура лайăх тухăçпа савăнтарчĕç. Çурхи тулă – элита, пирĕн хирсенче 30-шар центнер ытла тухăç памалла. Унăн лаптăкне фермер çитес çул пысăклатасшăн.
Вырмара П.Захаров комбайнерăн хастарлăхĕ пысăк пулчĕ.
Паян Г.Макаров механизатор кĕрхи тулă акать. Кĕр аки ирттерме минерал удобренийĕ çителĕклĕ.
«Канаш» хуçалăхăн тата 20 гектар çинчи çĕр улмине пуçтарса кĕртмелле. «Иккĕмĕш çăкăр» тухăçĕ те пысăк пуласса шанать С. Угарин фермер.