05 сентября 2009 г.
ТУТАРСТАНРИ Пăва район хаçатĕнче «Ĕне сăвасси – арçын ĕçĕ» статья пичетленнĕ, унта пирĕн районти Анат Чаткас ялĕнче çуралса ÿснĕ Станислав Власов çинчен çырса кăтартнă.
Станислав «Вамин-Буа» агрофирмăра дояр пулса ĕçлет, талăкра кашни ĕнерен вăтамран 20 килограмран кая мар сĕт суса илет. Власов дояр Пăва районĕнчи ĕне сăвакансем хушшинче чăн малта пырать.
– Дояр ĕçĕ мана килĕшет, - тенĕ хаçат корреспондентне Станислав. – Уйăхне 30 пин тенкĕрен кая мар укçа ĕçлесе илетĕп.