19 сентября 2009 г.
ЧĔМПĔР тăрăхĕнче Чăваш Енрен тухнă ентешсем чылай ĕçлеççĕ. Вĕсенчен пĕри – Шăмăршă районĕнчи Пăчăрлă Пашьелĕнче çуралса ÿснĕ В.Романов тĕпчевçĕ тата педагог, Чĕмпĕр патшалăх техника университечĕн профессорĕ, философи ăсăлăхĕсен докторĕ.
Çак эрнере Василий Николаевича ĕçтешĕсем унăн тăххăрмĕш ăслăлăх монографийĕ университет издательствинче уйрăм кĕнекен çапăнса тухнă ятпа саламларĕç. Унта автор наци хăрушсăрлăхĕ экономикăпа тата тĕнче курăмĕн хистевĕпе пĕр тĕвĕри пулăмсене тата çивĕч самантсене тарăннăн тишкерет.
В.Романов профессорăн тепĕр сакăр монографийĕ, тĕпрен илсен, наци тата патшалăх строительствипе, историри наци ас тăвăмĕпе, социаллă пурнăç философийĕпе тата политика социологийĕпе çыхăннă.