26 сентября 2009 г.
ПАЛТИЕЛ ял поселенине кĕрекен икĕ ялта 21 фермер (хресчен) хуçалăхĕ шутланать. Вĕсем тĕш тырă тата çĕр улми, пахча çимĕç çитĕнтереççĕ, выльăх-чĕрлĕхпе вĕлле хурчĕсем ĕрчетеççĕ.
«Гузель» КФХ, акă, хăйĕн çĕрĕ çинче çитĕнтерсе халăха 26 тонна паха утă сутнă, 80 пин тенкĕ укçа ĕçлесе тунă. Çак укçапа И.Альда фермер çĕр улми кăлармалли копалка туяннă.
«Путь» КФХ хуçи Р.Хамдеев ир ĕлкĕрекен çĕр улмине, кишĕрпе хĕрлĕ чĕкĕнтĕре Ульяновск хулинче тупăшлă вырнаçтарнă. Ĕçчен фермер мăйракаллă шултра выльăх ĕрчетсе те укçа тăвать. Сăвăнакан виçĕ ĕне, ултă пăру, вунă сурăх усраççĕ Хамдеевсем.
Унпа пĕр тăван Фаик Хамдеев та – тĕреклĕ хуçа. Кашни уйăхрах пĕр тонна çурăран кая мар сĕт сутать вăл хăйĕн хуçалăхĕнчен. Хамдеевсем ĕнесен ăратне çĕнетсех пыраççĕ, хура-ула тата симментал ăратлисене ĕрчетеççĕ.