07 октября 2009 г.
ЯЛСЕНЧЕ çеç мар, район центрĕнче те йышлă выльăх-чĕрлĕх усракансем чылай. Акă, Шăмăршăра пурăнакан Б.Силюков пенсионер та ахаль ларасшăн мар.
– Паянхи куна çăвăрлакан ултă ама сы-сна, икĕ çамрăк ама, ăратлă пĕр аçа тытатăп, – тет Борис Сергеевич. – Вĕллесем – 27. Хурсем те çирĕм ытла, чăх-чĕп йышне вара хам та пĕлсе çитерейместĕп – картиш туллиех.
Ÿркенмен ĕçчен нумаях пулмасть кăна-ха пĕр вăкăра 300 килограма яхăн виçене çити самăртса сутнă. Б.Силюков кăçал утă-улăм та самаях хатĕрлесе хăварнă. Вăл хĕл каçарма 2-3 пăру илсе хăварас шухăшлă. Выльăх-чĕрлĕх нумай усрани тупăшлă пулнине пенсионер тахçанах лайăх ăнланса илнĕ.