21 октября 2009 г.
ÇАК ятпа пыракан акцие хутшăнса, Патирекри тĕп шкулта теннис вăййин ăмăртăвĕ иртнĕ. Арçын ачасем хушшинче тăххăрмĕш класри Иван Цыганов, Ильнар Шарипов тата Антон Филиппов, хĕр ачасем хушшинче Валя Лысова, Раиля Шакурова тата Алена Матвеева малти вырăнсене йышăннă.
Шкулта «Сывă пурнăç йĕркишĕн» ятпа ÿкерчĕксемпе плакатсен конкурсĕ пырать.
ххх
АНАТ ЧАТКАСРИ тĕп шкулта «Атте, анне, эпĕ – спорт çемйи» ятпа спорт уявĕ иртнĕ. Çемье командисен хĕрÿ тупăшăвĕнче Зиновьевсен çемйи пĕрремĕш вырăн йышăннă. «Чи хастаррисем» номинацире Воробьевсен, «Чи хăвăрт ăмăртакансем» номинацире Синелевсен çемье командисем çĕнтернĕ.
ххх
ВИÇПŸРТ ШĂМĂРШĂРИ тĕп шкул ачисем спорта чăннипех те юратаççĕ. Çак кунсенче 5-8 классенче вĕренекенсем валли «Велосипедпа çÿренĕ чух çул-йĕр правилисене пĕлетĕн-и;» мероприяти иртрĕ. Велосипедпа ăмăртса çĕнтернисене шкул дирекцийĕ грамотăсемпе чысларĕ.
1-4 тата 2-3 классенче вĕренекенсем футбол вăййинче тата эстафета чупса ăмăртрĕç.