24 октября 2009 г.
– ПИРĔН ял-йыш «Шăмăршă хыпарĕ» хаçата уйрăмах килĕштерет, – пĕлтерчĕ Анат Чаткасри çыхăну уйрăмĕн пуçлăхĕ Надежда Юнкерова.
Хальхи вăхăтра район хаçачĕ 170 яхăн çемьене килсе тăрать. Çитес çулăн пĕрремĕш çур çулĕ валли ăна 70 ытла çырăнтарнă ĕнтĕ. Галина Тихонова (Анат Чаткас), Галина Фадеева (Тури Чаткас), Валентина Яковлева (Хĕрлĕ Васан) тата Анатолий Николаев (Максим Горький паççулкки) почтальонсем хăйсен ĕçĕсене тăрăшса пурнăçлаççĕ.
– Район хаçатне кашни çемье çырăнса илтĕр тесе тăрăшатпăр, – теççĕ почтальонсем. – Тĕл пулса калаçнин усси пысăк: ял çыннисем «Шăмăршă хыпарне» çырăнасран пăрăнмаççĕ, укçа пуçтарăнсанах подписка йĕркелеççĕ.