03 ноября 2009 г.
ЧĂВАШ Республикин физкультурăпа спорт тата туризм министерстви Шăмăршăри ачасемпе çамрăксен спорт шкулĕнчи А.М.Ичанкин тренер воспитанникĕсене разряд парасси çинчен приказ кăларнă.
Октябрĕн 20-мĕшĕнчи 233-мĕш номерлĕ приказпа Шăмăршă вăтам шкулĕнчи 11 класра вĕренекен Саша Юнкерова самбо енĕпе «Спорт мастерĕн кандидачĕ» ят панă.
Çамрăк самбистсем – 10 класра вĕренекен Алеша Петровпа Андрей Воробьев тата 9 класра вĕренекен Женя Кузьмин спортăн 1 разрядне илме тивĕçнĕ.
А.М.Ичанкин хăй те – ветерансем хушшинче самбо тата дзюдо енĕпе спорт мастерĕ. Унăн воспитанникĕсем пĕрре çеç мар Чăваш Енри, Ульяновск облаçĕнчи тата Пĕтĕм Раççейри турнирсенче мала тухнă.