07 ноября 2009 г.
ОКТЯБРĔН 31-мĕшĕнче Шăмăршă вăтам шкулĕн икĕ спорт залĕнче те районти çамрăк баскетболистсен ăмăртăвĕ иртнĕ. Унта районти пур вăтам шкул та, шăмăршăсемпе палтиелсем вара икшер командăпа хутшăннă.
Çивĕч кĕрешÿре арçын ачасен командисем хушшинче Шăмăршăри вăтам шкулăн пĕрремĕш команди çĕнтернĕ.
Иккĕмĕш вырăнта – çак шкулăн тепĕр команди, виççĕмĕшсем – палтиелсем.
Хĕр ачасен командисем хушшинче Палтиелĕнчи вăтам шкулăн пĕрремĕш команди – пĕрремĕш, Шăмăршăри вăтам шкулăн иккĕмĕш команди – иккĕмĕш, Палтиелĕнчи вăтам шкулăн иккĕмĕш команди виççĕмĕш вырăн йышăннă.
Чи лайăх вылякансем тесе судьясен коллегийĕ çаксене палăртнă: Анатолий Хафизов, Анатолий Цыганов, Рустам Низамов, Александр Захаров тата Алена Кузьмина, Марина Сорокина, Кристина Прокопьева, Светлана Антонова. Вĕсем пурте районти пĕрлештернĕ командăна кĕреççĕ, республика Спартакиадине хутшăнаççĕ.