11 ноября 2009 г.
ШĂМĂРШĂРИ пĕтĕшле вăтам пĕлÿ паракан шкул иртнĕ шăмат кун хăй 170 çул тултарнине сарлака кĕреке хушшине вун-вун хăна пуçтарса анлăн паллă турĕ.
Уява килнисене юбилей ячĕпе чĕререн саламланă май, шкул директорĕ Л.Н.Иванова районти чи ватă вĕренÿ çурчĕн мухтавлă кун-çулĕпе те паллаштарчĕ.
Учительсене тата хăнасене, вĕренекенсене район администрацийĕн вĕрентÿ, çамрăксен политики тата культура пайĕн пуçлăхĕ Н.Г.Игнатьева ăшшăн саламларĕ, шкула хаклă парне пачĕ.
Ун хыççăн 40-мĕш, 50-мĕш, 60-мĕш, 70-мĕш, 80-мĕш, 90-мĕш, 2000-мĕш çулсенчи выпускниксем салам сăмахĕсем каларĕç, юратнă учительсене чĕререн тав турĕç.
Шăмăршăсене Карапай Шăмăршă шкулĕн делегацийĕ те ăшă салам сăмахĕсем каларĕ.
Шкулăн актовăй залĕнче каçченех юрă-кĕвĕ янăрарĕ, уяв программи анлă та пуян пулчĕ. Концерт программине Аня Петровапа Лиля Алимова пултаруллă ертсе пычĕç.