11 ноября 2009 г.
ЭРНЕ КУН Шăмăршăра ял хуçалăх ярмăркки пулчĕ, унта тавар сутакан та, туянакан та кăмăллă юлчĕç. «Шанс» ООО тырă, аш-какай, сĕт, тислĕк, «Агродор» ООО – тырă тата улăм, «Исток» ООО – тырă, аш-какай, сĕт, тислĕк, «Карлинская» Агрофирма» ЗАО – тулă, пăрçа, хура тул кĕрпи, сахăр песукĕ, «Агросервис» ООО – çăнăх, «Мир» ЗАОпа «Восход» СХПК тырă сутма тухнă. Хакĕсем пысăк мар: тырă килограмне 3-3,5 тенкĕпе, ĕне какайне 140, сысна какайне 130 тенкĕпе, пĕр трактор тележки çĕрнĕ тислĕке 1000-2000 тенкĕпе туянма май пулчĕ. Купăста илсе тухнă фермер та çак пахча çимĕçе йăлтах сутса пĕтерчĕ.
«Çакăн пек ярмăрккана килес çул та йĕркелесчĕ, ку вăл – халăхшăн тăрăшни», – терĕç хавас кăмăлпа шăмăршăсем.