02 декабря 2009 г.
РАЙОНТА ÿт-пÿ тата сывлăх енчен хавшакрах çынсене пулăшас тĕлĕшпе Ыр кăмăллăх вунă кунлăхĕ пырать. Социаллă хÿтлĕх пайĕ инвалидсен проблемисене хускатас тата вĕсен прависемпе ирĕклĕхĕсем çинчен ыттисене аса илтерес тĕллевпе тĕрлĕрен мероприятисем ирттерет.
Пĕтĕм тĕнчери Инвалидсен кунĕ умĕн Шăмăршăри Культура керменĕн спорт залĕнче сывлăх фестивалĕ иртнĕ. Унта хутшăннисем дартс, шашка, шахмат вăййисенче тата мечĕк ывăтса ăмăртнă. Ачасем хушшинче Миша Поляков, Ринат Минибаев тата Алексей Романов, çитĕннисем хушинче Г.П.Елисеевпа В.М.Ямукова çĕнтерÿçĕ пулнă. Вĕсем республикăра сывлăх енчен хавшакрах ачасемпе 18 çултан аслăраххисем валли ирттерекен XI спорт фестивальне хутшăнĕç.