02 декабря 2009 г.
ПУЯНКАССИ ял поселенийĕн администрацийĕнче çак кунсенче кÿршĕллĕ Тутарстанри Хурăнвар-Шăхаль ялĕнчи культура ĕçченĕсем хăнара пулнă. Хăнасем Пуянкассинчи тĕслĕх библиотекин ĕçĕ-хĕлĕпе, Аслă Çĕнтерÿ 65 çул тултарнине тивĕçлипе кĕтсе илес тĕлĕшпе туса хатĕрленĕ мероприятисен планĕпе тата сценарипе паллашнă. Хурăнварсене уйрăмах салтака ăсатнине сăнласа паракан сценари килĕшнĕ.
Икĕ ял çамрăкĕсем спортпа та туслă. Уйрăмах йĕлтĕр спортне килĕштереççĕ. Хурăнвар-Шăхаль команди Шăмăршăра иртекен ăмăртусене те хутшăнать, лайăх кăтартусемпе савăнтарать. Вĕсенчен пуянкассем те юлмаççĕ. Пĕр-пĕринпе ăмăртса çĕнĕ çитĕнÿсем тăваççĕ.