02 декабря 2009 г.
ШĂМĂРШĂРИ çамрăк мăшăрсем: Владиславпа Алина Ларшниковсем, Юрийпе Светлана Ильинсем, Александрпа Людмила Фоминсем хăйсен çемйисенче хĕр пĕрчисем – Анастасия, Карина, Анастасия – çуралнине çирĕплетекен Свидетельствăна Мăшăрлану керменĕнче Анне кунĕ умĕн савăнăçлă лару-тăрура илчĕç.
Пĕчĕк пепкесем çуралнă ятпа çамрăк мăшăрсене район администрацийĕн ĕç тăвакан управленийĕн начальникĕ Л.Портнова, районти социаллă хÿтлĕх пайĕн начальникĕ Н.Ендиеров, районти ЗАГС пайĕн начальникĕ Е.Федорова, ертсе пыракан специалисчĕ М.Ефимова, тăванĕсем, пĕрле ĕçлекенсем ăшшăн саламларĕç, хĕр пĕрчисене ырлăх-сывлăх сунчĕç, парнесемпе чысларĕç, Ю.Сабановапа Е.Паймина солисткăсем, «Фламинго» ташă ушкăнĕ юрă-ташăпа савăнтарчĕç.