02 декабря 2009 г.
ШĂМĂРШĂРИ Культура керменĕнчи Анне кунне халалланă концерт программи халăх театрĕн ача-пăча студийĕ кăтартнă литературăпа музыка композицийĕпе уçăлчĕ. Вăлах «Виçĕ анне» композиципе те савăнтарчĕ.
К.Егорова, Ю.Сабанова, А.Петрова, Т.Яковлева, Чăваш Республикин культурин тава тивĕçлĕ ĕçченĕ Е.Муравьева, В.Павлов, С.Кудряшов, В.Харитонов солистсен çепĕç юррисене те ăшшăн йышăнчĕ тулли зал. «Антонина» халăх ташă ансамблĕ «Друзья», «Бум-бум», «Пробуждение», «Ритм планеты» ташăсене яланхи пекех килĕшÿллĕ те илемлĕ хусканусемпе ташласа пачĕ.
Концерт программине А.Давыдовапа Л.Владимирова ăста ертсе пычĕç.