05 декабря 2009 г.
ÇУЛСЕМ иртеççĕ, анчах та эпир хамăрăн юратнă учительсене асран кăлармастпăр. Хăйсем пирĕн хушшăмăрта çук пулин те, вил тăприйĕсем умне пырса ырă сăмахсем калатпăр.
Анат Чаткасра çуралса ÿснĕ, халĕ Чăваш Республикинчи муниципаллă йĕркелÿсен Совечĕн ĕç тăвакан директорĕнче вăй хуракан В.И.Максимов та хăйĕн юратнă вĕрентекенĕсене манмасть. Çак кунсенче вăл пуçарнипе ялти масар çинче РСФСР тава тивĕçлĕ учителĕ Н.В.Патовпа Ленин орденĕн кавалерĕ Ф.А.Афанасьев вил тăприйĕсем çумне шкул парттисем вырнаçтарса лартнă. Никифор Васильевичпа Филипп Афанасьевичăн вĕренекенĕ пулнă çынсем çак партăсем хушшине ларса нихçан манăçми шкул çулĕсене аса илĕç.