09 декабря 2009 г.
ДЕКАБРĔН 5–6-мĕшĕсенче Шупашкарта республикăри «Хыпар» хаçат кире спорчĕн XXVI турнирне йĕркелесе ирттернĕ. Унта, хамăр республикăри спортсменсемсĕр пуçне, Ульяновскпа Чулхула облаçĕсенчи, Мордва тата Марий Эл республикисенчи кире спортне юратакансем те хутшăннă. Турнирта Шăмăршăра пурăнакан Тĕнче тата Европа чемпионĕ, Раççей спорт мастерĕ В.Шуряков та вăй виçнĕ.
Яланхи пекех, кире спортĕнче Владимир Шуряков хăйне лайăх енĕпе кăтартнă. Икĕ енлĕн ăмăртса, пурĕ 260 бал пухса пĕрремĕш вырăн çĕнсе илнĕ, абсолютлă чемпион пулса тăнă.
В.Шурякова «Хыпар» хаçатăн Кубокĕпе тата ылтăн медальпе чысланă.