Редакция Шемуршинской районной газетыОФИЦИАЛЬНЫЙ САЙТ

 

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Чăваш Ен пуласлăхĕшĕн тăрăшса

26 декабря 2009 г.

Район администрацийĕн финанс пайĕн начальникĕ Е.П.Кудрявцева:

– Президент Çырăвĕнче запассене перекетлемелли, экономика тĕп вырăнсенчен пĕрне йышăнмалли пирки те каласа хăварнă: «Япалана – виçе, укçана – шут». Ку, паллах, бюджетсен укçи-тенкине перекетлĕ расхутлассине те пырса тивет. Перекетлесе хăварнă укçана ялсен инфраструктурине малалла аталантарнă çĕре яма пулать.

Район администрацийĕн вĕрентÿ, çамрăксен политики тата культура пайĕн начальникĕ Н.Г.Игнатьева:

– Президент Чăваш Республикин Патшалăх Канашне янă Çырура республикăри пĕтĕм халăха компьютер пĕлĕвĕ парас енĕпе тĕллевлĕ программа туса хатĕрлемеллине палăртнă. Хальхи вăхăтра районти шкулсем ял поселенийĕсен администрацийĕсемпе пĕрле мероприятисен планĕсене хатĕрлеççĕ, вĕсенче халăха компьютерпа ĕçлеме вĕрентессине уйрăммăн çырса хăвараççĕ.

Район администрацийĕн экономика пайĕн начальникĕ Э.Э.Жамкова:

– Н.В.Федоров Президент Çырăвĕ пире хальхи пурнăç пирки шухăшлама сĕнет: паян хăш шайра тăратпăр эпир, ыран мĕнлерех ÿсĕм патнелле туртăнмалла; Чăваш Енĕн пуласлăхĕшĕн тăрăшса, халĕ пиртен кашнийĕнех республикăн инноваци аталанăвне хăйĕн тÿпине хывмалла.

Районти халăха социаллă хÿтлĕх паракан пай начальникĕ Н.И.Ендиеров:

– Президент Çырăвĕ – тулли те нумай енлĕ. Николай Васильевич ку Çырăва пиртен кашнийĕн валли çырнă, конкретлă задачăсем лартнă. Вăл социаллă программăсем малти вырăнта тăнине те асăннă, вĕсем яллă районсемшĕн уйрăмах пысăк пĕлтерĕшлĕ.

«Шăмăршăри пĕтĕмĕшле вăтам пĕлÿ паракан шкул» МОУ директорĕ Л.Н.Иванова:

– Чăваш Ен шкул олимпиадисен çĕнтерÿçисен шучĕпе Раççейре иккĕмĕш вырăн йышăнать, – палăртнă Çырура пирĕн Президент. Хамăр шкулта эпир предметсен олимпиадисене пысăк тимлĕх уйăратпăр. Ытти шкулсенче те ку ĕç тивĕçлĕ шайра пырать. Вĕренекенсем районта кăна мар, республикăри олимпиадăсенче те çуллен призлă вырăнсем йышăнса пыраççĕ, Чăваш Енри олимпиадăсен аталанăвне хăйсен тÿпине хываççĕ.

Мой МирВКонтактеОдноклассники

 

Система управления контентом
TopList Сводная статистика портала Яндекс.Метрика