13 января 2010 г.
ÇĔНĔ çул умĕн, Раççейри Çăлавçăсен кунне халалласа, Шупашкарта чрезвычайлă лару-тăруран асăрханас тата ăна пĕтерес тĕлĕшпе ĕçлекен республика комиссийĕн анлă ларăвĕ пулса иртнĕ. Унта кăçалхи ĕç-хĕле пĕтĕмлетнĕ, шăмăршăсем те начар мар ĕçленине палăртса хăварнă. Пĕтĕмĕшле кăтартусем тăрăх, сăмахран, Раççей МЧСĕн Чăваш Республикинчи пушар надзорĕн Патшалăх управленийĕн Шăмăршă районĕнчи уйрăмĕ ЧР Министрсен Кабинечĕн пĕрремĕш степень Дипломне тата куçса çÿрекен Кубока тивĕçнĕ. Çавăн пекех, ЧР Чрезвычайлă лару-тăру енĕпе ĕçлекен Патшалăх Комитечĕн пушара хирĕç кĕрешекен службăн Шăмăршăри 42-мĕш пушар чаçне ЧР Министрсен Кабинечĕн Дипломĕпе, пушар чаçĕн караул начальникне Анатолий Васильевич Низамова Тав çырăвĕпе чысланă.