03 февраля 2010 г.
ХĂЙ вăхăтĕнче ялти хоккей спортне аталантарассишĕн нумай тăрăшнă, чылай хушă ял администрацийĕн пуçлăхĕнче ĕçленĕ В.П.Синякова асăнса Чукалта çулленех хоккеистсен турнирне ирттереççĕ.
Кăçалхи турнира шкулсен виçĕ тата ял поселенийĕсен икĕ команди хутшăнчĕ. Çивĕч кĕрешÿре Шăмăршăри вăтам шкул команди пĕрремĕш, Чукал шкулĕн команди – иккĕмĕш, Карапай Шăмăршăри вăтам шкул команди виççĕмĕш вырăн йышăнчĕç. Ял поселенийĕсен командисем хушшинче те Шăмăршăсем мала тухрĕç. Çĕнтерÿçĕсем Дипломсемпе парнесене тивĕçрĕç.
Оргкомитет хоккей площадкине пăрлантарма пулăшнăшăн Владимир Симурзина, хоккей клюшкисем парнеленĕшĕн Михаил Сарандаева чĕререн тав тăвать.