13 февраля 2010 г.
ОБОРОНĂПА массăллă ĕçсен уйăхлăхне халалласа, Шăмăршăри вăтам шкулти 6 «а» класра «Атте, анне, эпĕ – спорт çемйи» ятпа ăмăртусем пулса иртрĕç, вĕсене физкультура учителĕ А.Чернов тата класс ертÿçи Н.Мандрюкова йĕркелесе-ертсе пычĕç. Пилĕк команда тупăшрĕ унта. Тĕп парнесене çĕнсе илессишĕн Кузнецовсен, Борисовсен, Ястребовсен, Каргинсен тата Юмановсен туслă çемйисем тупăшрĕç: чупрĕç, сикрĕç, вĕрен туртрĕç, тĕрлĕрен упражненисем пурнăçларĕç.
Судьясене çĕнтерÿçĕсене палăртма çăмăлах пулмарĕ. Итогсене пĕтĕмлетнĕ хыççăн, Борисовсен çемйи нумай балл пуçтарни палăрчĕ. Иккĕмĕшпе виççĕмĕш вырăнсенче – Кузнецовсемпе Юмановсем.