17 февраля 2010 г.
ПАЛТИЕЛĔНЧИ модельлĕ библитека – районта чи лайăххисенчен пĕри. Кунта вăтăр çула яхăн М.Гайнуллова ĕçлет. Маларах вăл Çĕрпÿри культурăпа çут ĕç училищинчен вĕренсе тухнă. 1981 çултанпа Палтиелĕнчи библиотекăра вăй хурать, юлашки çулсенче – библиотека заведующийĕ.
Кунта яланах таса та хăтлă, кĕнекесене лайăх курăнмалла, шыраса тупмалла вырнаçтарнă. Сĕтелсем çинче хаçатсемпе журналсем те сахал мар, компьютер, телевизор пур. Çавăнпах ĕнтĕ кунта çÿрекенсем йышлă, уйрăмах – çамрăксем.
Нумаях пулмасть библиотекарь хăйĕн ылтăн юбилейне паллă турĕ. Çак ятпа ăна тăванĕсем, вулакансем ăшшăн саламларĕç.