17 февраля 2010 г.
КАНМАЛЛИ кунсенче тăтăшах интереслĕ мероприятисем иртеççĕ Ярăслав клубĕнче. В.Тихонова йĕркелесе ертсе пынă «Тĕлĕнтермĕш шкул ачи» конкурса курма та çынсем йышлăн пуçтарăнчĕç. Унта Васанти тĕп шкулта пĕлÿ пухакан Д.Краснова, С.Тихонова, А.Давыдова, В.Игнатьева хăйсен пултарулăхĕпе, тĕрлĕ енлĕ ăсталăхĕпе паллаштарчĕç, тĕрлĕрен конкурссенче вăй виçрĕç. Тăхтавсем вăхăтĕнче куракансене А.Марковпа П.Давыдов вĕренекенсем шÿтлĕ сценкăсемпе, И.Тихонов юрăсемпе савăнтарчĕç. Жюри пĕтĕмлетĕвĕ çапла: конкурсра мала тухакансем те, кая юлакансем те пулмарĕç – туслăх çĕнтерчĕ.