26 февраля 2010 г.
РАÇÇЕЙ ГЕРОЙНЕ Олег Долгова асăнса ирттернĕ патриотла юрăсен районти фестивалĕ гала-концертпа вĕçленнĕ. «Соло-вокал» номинацире «Шурă ташă» юрăпа Катя Муромцева (ача-пăча искусствисен шкулĕ) фестиваль çĕнтерÿçи пулса тăнă. Иккĕмĕш вырăна Маша Константиновапа (ача-пăча искусствисен шкулĕ) Евгений Антонов (Пăчăрлă Пашьелĕнчи вăтам шкул), виççĕмĕшне Кристина Долговапа (Палтиелĕнчи вăтам шкул) Евгений Карпов (Карапай Шăмăршă ял поселенийĕ) йышăннă.
Дуэтпа юрлакансем хушшинче Алена Кузьминапа Венера Габитова (Палтиелĕнчи вăтам шкул), Жанна Антиповапа Ирина Саландаева (Васан ял поселенийĕ), Катя Мресовапа Инна Федотова (Пуянкассинчи тĕп шкул), Женя Карповпа Алексей Ефимов (Карапай Шăмăршă ял поселенийĕ) чи маттуррисем пулнă. Ача-пăча искусствисен шкулĕнчи вокал ансамблĕсен пултарулăхне те жюри пысăк хак панă.