06 марта 2010 г.
ПĔТĔМ РАÇÇЕЙРИ халăх çыравне хатĕрленсе ирттерес тĕлĕшпе ĕçлекен районти комиссин черетлĕ ларăвĕ иртнĕ, ăна комисси председателĕ – район пуçлăхĕ В.П.Фадеев ертсе пынă.
Ларура çырав ыйтăвĕсемпе ĕçлекен уполномоченнăй Л.П.Вашуркина çырава хатĕрленсе çитни çинчен пĕлтернине итленĕ. Ял поселенийĕсен пуçлăхĕсен инструкторсемпе стационар участокĕсене пÿлĕмсемпе, сĕтел-пуканпа, телефонпа тивĕçтермеллине палăртнă. Çавăн пекех çырав хучĕсемпе ытти документсене упрама кирлĕ условисем туса хумалла.
Ларура адрес хуçалăхĕнче çирĕп йĕрке тумаллине, халăх хушшинчи ăнлантару ĕçне вăйлатмаллине те палăртса хăварнă. Çырава хатĕрленсе ирттерес тĕлĕшпе 2010 çулхи ĕçсен планне çирĕплетнĕ.