27 марта 2010 г.
РАЙОН пуçлăхĕ В.П.Фадеев «Районти ял поселенийĕсенче, учрежденисемпе организацисенче тата предприятисенче çамрăксемпе ĕçлессине лайăхлатас тĕллевпе конкурс ирттересси çинчен» йышăну тунă. Конкурса йĕркелесе ирттерекенĕ – район администрацийĕн вĕрентÿ, çамрăксен политики тата культура пайĕ.
Конкурс кăçалхи март-ноябрь уйăхĕсенче «Ял поселенийĕ çумĕнчи çамрăксемпе чи лайăх ĕçлекен Совет» тата «Предприяти (организаци, учреждени) çумĕнчи çамрăксемпе чи лайăх ĕçлекен Совет» номинацисемпе иртет. Тăватă тапхăрта – районти мероприятисене хутшăнса, кăтартуллă мероприятисене хутшăнса, информаци отчечĕ тăратса тата пĕтĕмлетÿ ĕçĕнче ăмăртмалла.
Пĕрремĕш тапхăрта ял поселенийĕсенче Раççей Геройне Олег Долгова асăнса патриотла юрăсен фестивалĕ (февраль), «Çамрăк çемье – 2010» районти конкурс (апрель-май), «Атте, анне тата эпĕ – спорт çемйи» спорт ăмăртăвĕ (апрель), Эстрада юррисен «Çамрăк сасăсем» фестивалĕ (июнь), ял çамрăкĕсен Спартакиади (июнь), районти çамрăксен КВН командисен вăййисем (ноябрь), «Çамрăксен чи лайăх наставникĕ» районти конкурс (август-октябрь), «Чи лайăх çамрăк специалист» районти конкурс (март-июнь), предприятисемпе учрежденисенче тата организацисенче «Çамрăк çемье – 2010» районти конкурс (март-апрель), «Атте, анне тата эпĕ – спорт çемйи» ăмăрту (апрель), ял çамрăкĕсен Спартакиади (июнь), çамрăксен КВН командисен районти вăййисем (ноябрь), «Çамрăксен чи лайăх наставникĕ» районти конкурс (август-октябрь), «Чи лайăх çамрăк специалист» районти конкурс (апрель-июнь) иртеççĕ.
Конкурс комиссийĕ çĕнтерÿçĕсене балсен сумми тăрăх палăртать. Номинацисем тăрăх малти виçĕ вырăна йышăнакансене район администрацийĕн Хисеп грамотипе тата хаклă парнепе чыслаççĕ.