27 марта 2010 г.
ÇАНТАЛĂК тинех ăшăтма тытăнчĕ. Апла пулсан, çур акиччен те вăхăт нумай юлмарĕ. Çак тапхăра вара «Карлинская»агрофирмăра тахçанах хатĕрленме тытăннă. Хальхи вăхăтра кунта А. Гладков ертсе пыракан звено сÿресене юсать. Ку ĕçре В.Ильбековпа В.Тимофеев тăрăшуллă пулнине палăртмалла. И.Сафронов тимĕрçĕ туптаса çивĕчлетнĕ сÿре шăлĕсене вĕсем вырăна лартса çирĕплетеççĕ, регулировка тăваççĕ.
Сÿресем хыççăн хуçалăхра культиваторсене, сеялкăсене юсама тытăнаççĕ. Юсав ĕçĕсене мастерской заведующийĕ А.Кузьмин йĕркелесе-ертсе пырать.
Агрофирма ĕçченĕсен тĕллевĕ пĕрре: çурхи ака-суха ĕçĕсене вăхăтра, пысăк пахалăхпа ирттерсе ярасси.