Публикации » Чи лайăххисем – республика конкурсĕнче

31 марта 2010 г.

ШУПАШКАРТА, Чăваш патшалăх художество музейĕнче Аслă Çĕнтерÿ 65 çул тултарнине халалласа Элли Юрьев ячĕллĕ конкурс-выставка иртнĕ. Унта Шăмăршăри ача-пăча искусствисен шкулĕнче вĕренекенсем те хутшăннă. Шăмăршăсем республика конкурсне «Яланах хĕвел пултăр!» тата «Çав кунсен çухалмĕ чапĕ» номинацисемпе 14 ÿкерчĕк тăратнă. 6 çултан пуçласа 9 çула çитичченхи çамрăк художницăсем хушшинче Настя Матвеева – пĕрремĕш, Стеша Младшева – иккĕмĕш (преподавателĕ А.К.Краснова), Ксения Парфенова – виççĕмĕш (преподавателĕ З.П.Морозова) вырăнсене йышăннă. Ытти вĕренекенсене те Грамотăсемпе тата призсемпе хавхалантарнă.