21 апреля 2010 г.
ÇИТĔНЕКЕН ăрăва пушар хăрушсăрлăх йĕркисемпе паллаштарас, вĕсене вутпа асăрхануллă пурăнма хăнăхтарас тĕллевпе нумаях пулмасть Шупашкарта «Талантсем тата вĕсене юратакансем» ятпа ачасемпе çамрăксен Пĕтĕм Раççейри фестивалĕ иртрĕ. Вут-кăвартан сыхланма вĕрентекен тематикăпа çыхăннă çак мероприятие республикăри 25 команда – всĕен йышĕ икçĕре яхăн çынпа танлашрĕ – хутшăнчĕ.
Раççей пĕлтерĕшлĕ фестивальте Шăмăршăри халăх театрĕн ача-пăча коллективĕ (режиссерĕ В.Львова) тата Шăмăршă вăтам шкулĕн ачасен кăтартуллă «Фламинго» ташă ансамблĕ те (илемлĕх ертÿçи В.Кузьмина) хăйсен пултарулăхне кăтартрĕç. «Вут – вăйă мар» театрализациленĕ представление пурте кăмăллăн йышăнчĕç, хыттăн алă çупрĕç. Илемл™х мелĕсемпе анлăн тата вырăнлă усă курни представленири пулăмсене витĕмлĕн сăнласа пама май пачĕ.
Фестивальте палăрнă май, пирĕн коллективсен руководителĕсене тата участниксене жюри Сертификатсем тата Дипломсем парса чысларĕ.