28 апреля 2010 г.
НУМАЯХ пулмасть Васанти тĕп шкулти кадетсен тăххăрмĕш класĕнче вĕренекенсем Н.Архипов воспитатель-наставник ертсе пынипе Çĕнĕ Шупашкарта иртнĕ республикăри кадет класĕсен Аслă Çĕнтерÿ пулнăранпа 65 çул çитнине халалланă «Çĕнтерÿ чиккисем» ăмăртăвĕсене хутшăнчĕç.
Итогсене тунă хыççăн васансем «Пневматика винтовкинчен пересси», «Граната ывăтасси» номинацисенче пĕрремĕш, пĕтĕмĕшле кăтартусем тăрăх вара виççĕмĕш вырăнсене йышăнни палăрчĕ, вĕсем ятарлă Кубока тата Чăваш Республикин Вĕрентÿ тата çамрăксен политикин министерствин Хисеп грамотине тивĕçрĕç.
П.МОРОЗОВ.