22 мая 2010 г.
ПĔТĔМ тĕнчери медицина сестрисен кунне халалласа районти тĕп больницăра медсестрасен конкурсĕ иртрĕ. Çак конкурса поликлиникăри, ача-пăча, хирурги, реанимаци, терапи, инфекци уйрăмĕсенчи медсестрасем ăмăртрĕç.
Вĕсем хăйсемпе паллаштарчĕç, медицинăпа çыхăннă тĕрлĕ ыйтусем çине хуравларĕç, «йывăр чирлесе ÿкнĕ çынна» васкавлă медицина пулăшăвĕ пачĕç, санбюллетень кăларчĕç, юрă-ташă ăсталăхне кăтартĕç.
Жюри конкурса пĕтĕмлетсен поликлиника команди – пĕрремĕш, терапипе ача-пăча уйрăмĕсен командисем иккĕмĕшпе виççĕмĕш вырăнсене тухни палăрчĕ. Конкурса хутшăннă медсестрасем пурте парнесем илчĕç.