26 июня 2010 г.
ШĂМĂРШĂ йĕкĕчĕ Валериан Давыдов Раççей çарĕнче иртнĕ çулхи декабрьтенпе службăра тăрать.
Стратеги пĕлтерĕшлĕ ракета çарĕнче Валериан лайăхпа çеç палăрнă, взвод командирĕн заместительне çити ÿснĕ. В.Давыдов сержанта службăри çитĕнÿсемшĕн командирсем пилĕк хутчен хавхалантарнă. Çарти специальноçне вăл тĕплĕн алла илнĕ, çар хатĕрлĕхĕн тата спорт нормативĕсене туллин пурнăçланă.
Çак кунсенче Валерианăн ашшĕпе амăшĕ – Виталий Борисовичпа Олимпиада Ивановна – ывăлĕ службăра тăракан çар чаçĕнчен Тав çырăвĕ илчĕç. О.В.Белоусов майор чăваш йĕкĕчĕ Валериан Давыдов Раççей çарĕн чăн-чăн воинĕ пулни çинчен савăнса пĕлтерет, ашшĕпе амăшне маттур ывăл çитĕнтернĕшĕн чĕререн тав тăвать.
«Ывăлăрăн çарти çитĕнĕвĕсем сире пурăнма тата ĕçлеме хавхалантарса тăччĕр», - тенĕ командир.