30 июня 2010 г.
РАÇÇЕЙ Çамрăкĕсен кунне халалласа, Шăмăршăри культура аталанăвĕн центрĕ умĕнчи площадьре «Çамрăк сасăсем» эстрада юррисен фестивалĕн гала-концерчĕ иртнĕ.
Фестивале район пуçлăхĕн çумĕ Н.Г.Игнатьева уçнă, пурне те уяв ячĕпе ăшшăн саламланă.
«Соло-вокал» номинацире Ульяновскран килнĕ Диана Фаттаховапа Пуянкасси ял поселенийĕнчи Ольга Муравьева чи илемлĕ юрланипе палăрнă. Иккĕмĕшпе виççĕмĕш вырăнсенче – Кивĕ Чукал ял поселенийĕнчи Анюта Мандрюковапа Шăмăршă ял поселенийĕнчи Екатерина Порфирьева.
«Дуэт» номинацире Çĕнĕ Шупашкар хĕрĕсем Настя Хамановапа Нина Чемерова – пĕрремĕш, Васан ял поселенийĕнчи Жанна Антиповапа Алена Ильина – иккĕмĕш, «Автор юрри» номинацире Кивĕ Чукал ял поселенийĕнчи Анюта Мандрюкова пĕрремĕш вырăн йышăннă.
«Çамрăк сасăсем» фестиваль гран-прине вара Шăмăршă ял поселенийĕнчи Татьяна Давыдова тивĕçнĕ.