14 июля 2010 г.
ВĂХĂТ сисĕнмесĕрех малалла шăвать. Выпускниксен хĕрÿ экзаменĕсен тапхăрĕ хыçа юлчĕ ĕнтĕ. Экзаменсен кăтартăвĕсене пĕтĕмлетнĕ хыççăн чи пултаруллă, мал ĕмĕтлĕ хĕрсемпе яшсем медальсене тивĕçрĕç.
Шăмăршăри вăтам шкулти Гузель Алиуллова, Алсу Басырова, Екатерина Муромцева, Марта Старая, Пăчăрлă Пашьелĕнчи вăтам шкулти Анастасия Еремеева, Палтиелĕнчи вăтам шкулти Айсылу Азизова, Венера Габитовапа Алена Кузьмина – ылтăн, Шăмăршăри вăтам шкулти Юлия Галкина, Кирилл Кудрявцев, Софья Максимовапа Александр Пушкин кĕмĕл медальсем илнĕ.
Çак выпускниксене медаль илнĕ ятпа ăшшăн саламлатпăр, аслă вĕренÿ заведенийĕсене вĕренме кĕме, юратнă профессие алла илме ăнăçу сунатпăр.