31 июля 2010 г.
ÇУРХИ призывпа кăçал районти 72 яша çар службине ăсатнă. Анчах та пурте салтака юрăхлă мар иккен. Шел те, çакнашкаллисем те пур.
Ку темех мар-ха. Кăçал çара каясран пăрăнса юлас текен 38 çамрăкран 17-шне тупса палăртнă. Призыв вăхăтĕнче районти тĕп больницăра ĕçлекенсем йĕркене пăсни те курăннă: администраци çар комиссариатне сывлăхĕсене тĕрĕслеттермен призывниксен списокне тăратман. Комисси вăхăтĕнче тунă йăнăшсем те пур: сывлăхĕ япăх икĕ çамрăка салтака ăсатма йышăннă пулнă.
Ахăртнех, хăшĕсен салтак пăттине тутанас килмест пулмалла. Темиçе çамрăк, вĕренетпĕр тесе, çар комиссариатне суя справкăсем тăратнă. Пĕр çамрăк пирки вара уголовнăй ĕç пуçарма тиврĕ.