25 августа 2010 г.
Августăн 18-19 мĕшĕсенче республикăра Мускав культура кунĕсем иртнĕ.
Ăна Чăваш патшалăх оперăпа балет театрĕнче савăнăçлă лару-тăрура уçнă. Сцена çине Раççей тĕп хулин Регионти çыхăнусемпе наци политикин комитечĕн председателĕ Михаил Соломенцев, ЧР культура министрĕ Роза Лизакова хăпарнă. Роза Михайловна хăнасене тав туса ăшă саламлă сăмах каланă.
Уяв концертĕнче "Вырăс филармонийĕ" симфони оркестрĕ хăйĕн пултарулăхне кăтартнă.
Августăн 19-мĕшĕнче тĕп мероприятийĕсенчен ытларахăшĕ Чăваш наци библиотекинче иртнĕ. Кунта "Мускав тăрăх уçăлса çÿретпĕр" курав уçăлнă.
Мускав культура кунĕсем Раççей халăх артисчĕн Олег Газмановăн концерчĕпе хупăннă.