08 сентября 2010 г.
Чăваш Енри яллă районсене аталантармалли нумай вăхăт валли йышăннă чăваш-нимĕç проектпа килĕшÿллĕн, иртнĕ тунти кун Шăмăршă район администрацийĕнче Германири апат-çимĕç, ял хуçалăх тата потребительсен прависене хÿтĕлекен министерство представителĕсем пулнă.
Нимĕç туссене – Шваниц господина, Ральф Роговски господина, Рудерт доктора, Мари Кюнстлинг госпожана – район пуçлăхĕ В.П.Фадеев ăшшăн йышăннă, районăн 2009 çулхи тата кăçалхи ĕç кăтартăвĕсемпе, малашлăхри тĕллевсемпе паллаштарнă.
Германири туссем малалла та А.И.Сатеевăн "Бездна" фермер хуçалăхĕпе килĕштерсе ĕçлесси çинчен пĕлтернĕ.
Нимĕç-чăваш проект ĕçлеме пуçланăранпа «Бездна» фермер хуçалăхĕнче выльăх-чĕрлĕх йышĕ те, продукци илесси те чылай ÿснĕ. Пашьелсем выльăх апачлĕх культурăсем çитĕнтернĕ çĕрте те нимĕçсен паха опычĕпе анлăн усă кураççĕ.