22 сентября 2010 г.
ВАЛЕРИЙ СИДОРОВ... Хăюллă та тÿрĕ кăмăллă милици майорĕ Чечняра паттăррăн çапăçса вилнĕренпе çак кунсенче пилĕк çул çитрĕ.
В.Н.Сидорова асăнса Шăмăршăри вăтам шкулăн спорт залĕнче волейболла выляса Кубок çĕнсе илессишĕн ăмăрту иртрĕ. Ăмăртăва район пуçлăхĕ В.П.Фадеев уçрĕ, çамрăксене çирĕп сывлăх, ăнăçу сунчĕ.
Турнирта Шăмăршăри шалти ĕçсен пайĕн команди (капитанĕ К.С.Махмутов) пĕрремĕш, Патăрьелĕнчи шалти ĕçсен пайĕн команди (А.М.Кошкин) – иккĕмĕш, Карапай Шăмăршă вăтам шкулĕн команди (Ю.Ф.Ермолаев) виççĕмĕш вырăн йышăнчĕ. Чи лайăх вылякансем тесе судьясен коллегийĕ Сергей Агеева (Шăмăршă), Анатолий Кошкина (Патăрьел) тата Анатолий Цыганова (Шăмăршăри вăтам шкул) палăртрĕ. Çĕнтерÿçĕсене призсемпе тата Грамотосемпе чысларĕç.
Ăмăртăва çÿллĕ шайра ирттерме пулăшнăшăн В.Н.Сидоровăн мăшăрĕ тата тăванĕсем С.А.Галкина, А.Г.Петрова, А.В.Максимова, В.В.Максимова, И.В.Ларшникова, Г.И.Кудряшова, Е.В.Кудряшова, И.И.Кудряшова, Л.Н.Кошкина, И.М.Абсалямова, Г.Ельцова, Г.Н.Макарова, И.Н.Павлова, И.Рожкована тата районти шалти ĕçсен пайĕнчи ГИБДД сотрудникĕсене хаçат урлă чĕререн тав тăваççĕ.