16 октября 2010 г.
КĔÇНЕРНИ КУН, октябрĕн 14-мĕшĕнче, Шăмăршăра иккĕмĕш суйлаври район депутачĕсен Пухăвĕн пĕрремĕш йĕркелÿ ларăвĕ иртнĕ. Ларăва çулпа чи аслă депутат, 7-мĕш номерлĕ Патирек суйлав округĕнчен суйланнă М.Х.Хамдеев уçнă.
Полномочи срокĕ вĕçленнĕ май, район администрацийĕн пуçлăхĕ В.П.Фадеев хăй район администрацийĕн пуçлăхĕн ĕçĕсене пурнăçлама чарăнни çинчен пĕлтернĕ. Кун йĕркинчи пĕрремĕш ыйтупа – уççăн сасăласа – депутатсем Шăмăршă районĕн пуçлăхĕ – район депутачĕсен Пухăвĕн председателĕ пулма 9-мĕш номерлĕ Виçпÿрт Шăмăршă суйлав округĕнчен суйланнă И.М. Абсалямов депутата, иккĕмĕш ыйтупа район пуçлăхĕн çумĕ пулма 8-мĕш номерлĕ Пăчăрлă Пашьел суйлав округĕнчен суйланнă Г.И. Марков депутата суйланă.
Лару район администрацийĕн пуçлăхĕн должноçне йышăнма конкурс ирттермешкĕн 6 çынран конкурс комиссине çирĕплетнĕ.
Конкурс комиссине патшалăх влаçĕн органĕсенчен тата 3 çынна кĕртме Чăваш Республикин Президенчĕ патне ходотайствăпа тухнă.
Ларура район депутачĕсен Пухăвĕн яланхи комиссийĕсене, район депутачĕсен Пухăвĕнче депутатсен "Единая Россия" парти ушкăнне туса хума йышăннă.
Çакăнпа лару хăйĕн ĕçне вĕçленĕ.