23 октября 2010 г.
МУСКАВРА çуллен паракан "Раççей чунĕ" премийĕн лауреачĕсене палăртнă.
"Халăх музыки" номинацире пирĕн районти Кахăрлă Шăхаль ялĕнче çуралса ÿснĕ, халĕ Шупашкарти ача-пăчапа çамрăксен пултарулăхĕн Керменĕнчи "Эревет" ансамбль ертÿçинче ĕçлекен Сергей Федотов лауреат ятне тивĕçнĕ.
Сергей Федотова кăкăр çине çакмалли ятарлă паллăпа, Дипломпа тата 100 пин тенкĕ укçан преми парса чыслĕç. Наградăна Мускавра, кăçалхи декабрĕн 4-мĕшĕнче пама палăртнă.