23 октября 2010 г.
МУСКАВРА иртнĕ Пĕтĕм Раççейри кадетсен пултарулăхĕн III фестивальне Васан шкулĕнчи кадетсем хăйсем ÿкернĕ фильмпа хутшăннă. "Киновидеотворчество" номинацире васансен "Манăçми кунсем" ("Незабываемые дни") фильмĕ çĕнтернĕ, Диплома тивĕçнĕ. Кино Тăван çĕршывăн Аслă вăрçине хутшăннă ентешсем çинчен каласа парать. Çав вăхăтри йывăрлăха, нушана, паттăрлăха сăнлать.
Фестивале хутшăннă кадетсене Раççей Президенчĕ Д.Медведев та саламласа телеграмма янă. Вăл телеграммăра конкурс лауреачĕсене ăнăçу, çĕнĕ çитĕнÿсем тума суннă.
"Манăçми кунсем" фильма интернетпа усă курса www. kadetfest.ru сайта кĕрсе курма пулать.
Н.АРХИПОВ.