30 октября 2010 г.
РАЙОНТИ шкулсенчи баскетбол командисем хушшинче ăмăртусем вĕçленчĕç. Финалти тĕл пулусем уйрăмах çивĕч иртрĕç темелле. Арçын ачасем хушшинче кăçал малтанхи виçĕ вырăна Шăмăршăри вăтам шкулăн пĕрремĕшпе иккĕмĕш тата Палтиел вăтам шкулĕн командисем пайларĕç.
Юлашки çулсенче хĕрачасем те баскетболпа ытларах интересленме тытăнни савăнтарать. Кăçалхи ăмăртусен çĕнтерÿçисем - Палтиел, Шăмăршă (пĕрремĕш команда), Карапай Шăмăршă шкулĕсен çамрăк спортсменкисем.
Республикăри зонăри ăмăртусенче район чысне хĕрсем Патăрьелĕнче, яшсем Елчĕкре хÿтĕлĕç.